✍️ بقلم: المستشار الإعلامي والسياسي / خميس إسماعيل
مش كل اللي دخلوا حياتنا كانوا راحة…
في ناس دخلت علشان تعلمنا، حتى لو كان الدرس قاسي وموجع.
شكراً لكل إنسان وجّعني…
مش ضعف مني، لكن اعتراف إن الألم كان معلم حقيقي… خلاني أقوى، وأوعى، وأعرف أفرق بين اللي يستاهل واللي ما يستاهلش.
وشكراً لكل موقف ما كانش يليق بيا…
لأنه كشفلي معادن ناس، وعلّمني إن الكرامة مش اختيار… الكرامة أسلوب حياة.
النجاح مش كلمة سهلة تتقال…
النجاح رحلة طويلة، فيها تعب، وصبر، وسهر، وتحديات كتير.
لكن الحقيقة الأصعب… مش إنك تنجح،
الحقيقة الأصعب… إنك تحافظ على نجاحك وسط عيون مليانة حقد وغيرة.
وفي زمن بقى فيه البعض ما يحبش يشوف غير نفسه ناجح…
لازم تكون أقوى، وأهدى، وأذكى.
تمشي في طريقك بثقة، من غير ما تلتفت لكل صوت يحاول يكسر فيك.
لأن ببساطة…
النجاح الحقيقي مش إنك توصل بس،
النجاح الحقيقي… إنك تفضل ثابت رغم كل الظروف.
✨ أنا… وقلمي… وقهوتي
أنا وقلمي وقهوتي…
مشهد بسيط، لكنه شاهد على حكايات كتير جوايا.
بكتب علشان أخرج كل اللي جوايا من غير تزييف…
وبفتكر إن كل وجع مرّيت بيه، كان بيصنع نسخة أقوى مني.
وقهوتي المُرّة…
مشروب بحبه، لأنه شبه الحياة…
كل ما كانت مُرّة أكتر، كل ما علمتني أصحى وأفهم وأستحمل
“من وجع التجارب… يولد النجاح الحقيقي”
